Hakanuia
NUKANOA E
Written and composed by whānau at a Korongata Marae Wānanga held August 2008. The recording below is of the Bridge Pa School tamariki in August 2022 - Principal Vanessa Sadler (Cowan) and Teacher Emma (Reid) are old students of Bridge Pa School. We are proud to sing this waiata with pride.
KAEA: NUKANOA E!
KATOA: TE WHATUIAPITI HEI RANGATIRA MO TE IWI TATA E TU NUKANOA E!
KAEA: KA PUTA!
KATOA: TE HAHAKE, HINEWEHI, TE ATINUKU, TE HAUNGA-O-RANGI,
TAMAWHETI, TE ORA HINEHAKA, O NGĀTI PŌPORO E!
KAEA: E TU NUKANOA –
KATOA: KI KORONGATA
KAEA: E TU NUKANOA –
KATOA: HEI WHAKARURUHAU
KAEA: E TU NUKANOA –
KATOA: O NGĀTI KAHUNGUNU, TE WAKA TAKITIMU E!!!!!!!
KORONGATA
This waiata was composed by the descendants of Horomona Edwards and Winipere Kamau. Aunty Ani, Jerry Edwards and Aperahama Edwards wrote the words and the tune was composed by Aunty Ani. The waiata encompasses the whole of Bridge Pa, both Nukanoa and Mangaroa Marae. This recording is of Aunty Ani Price, Peggy-Joe Mitai and Mātua Jerry Edwards in August 2022 preparatory to share at our Korongata Marae Wānanga in that same year.
KAEA: HE TATAIWHETU KI TE RANGI KATOA: MAU TONU
HE TAONGA O NGĀ URI, NGĀ URI O KORONGATA
TŪ MAI TE TĪPUNA NUKUNOA, TE KŌPŪ O MATARIKI
MIHI MAI E KORO HIKAWERA TŌ PIRINGA HINE-TE-MOA
KO RĀTOU NGĀ TŌTARA HAEMATA, NGĀ MANAWA O KORONGATA
E TŪ AKE NEI, NGĀ MOKOPUNA, NĀ TE AROHA NOA
HĀPAITIA NGĀ HONOTANGA, A KUI A KORO MĀ
TĪAHO MAI RA NGĀ WHETŪ, KORONGATA, MANGAROA
WHATUI-A-PITI, NGĀTI POPORO, TE RAHUNGA-I-TE-RANGI
TE KUPENGA A TE HUKI, NGĀ TUKEMATA O KAHUNGUNU
E TŪ AKE NEI, NGĀ MOKOPUNA, NĀ TE AROHA NOA
HĀPAITIA NGĀ HONOTANGA, A KUI A KORO MĀ
KORONGATA
Mōteatea nā Dr Jeremy Tātere MacLeod
E noho nei au i te roro o tōku whare
Kia pai ai te titiro ki waho ki te ara i takahia ai
e ngā mātua tīpuna
Waiho mai ana ko ahau e tū tahanga nei
Hoki mai hoki mai taku reo taketake
i kahakina i te arero o te hunga kua poto ki te pō.
Māku mā tāua e kukume i te rua o te mate
Kia haruru anō ai te whenua i te reo rangatira e
Nau mai tāua pikitia te tāpuhipuhi ō Kahurānaki
te tihi whakarongo kōrero
Kauria ngā wai tuku kiri o Kārewarewa,
Kā u ai ki tōku papa ki a Korongata.
Nā Te Whatuiāpiti ka puta ko Hikawera nāna ko Hinewhare nāna ko Te Mouka ka moe ia Nukanoa ka puta ki waho ko Ngāti Poporo e tū atu nei e.
KO NGĀTI PŌPORO
Waiata nā Dr Ashley Puriri
Ashley wrote this waiata and taught it to us at a Korongata Marae Wānanga held in March 2024
Ko Ngāti Pōporo, (Pōporo)
Ko Ngāti Pōporo, (Pōporo)
Ānei mātou e mihi atu nei e (Aue)
E tū ngā whare manaaki tangata
E Whakaruru ana koutou katoa
Ki te taha o te Puke o Te Atua e (Aue)
Ko Te Awa, ō Te Ātua
He wai oranga, mai ōku Tūpuna
Kia kaha tātou e hāpai tāku iwi nei e (Aue)
Ko Ngāti Pōporo, (Pōporo)
Ko Ngāti Pōporo, (Pōporo)
Ānei mātou e mihi atu nei e (Aue)
Ko Hikawera tōku Tūpuna
Ka heke ihoa, kia mana whenua
Ko Nukunoa te ingoa rongonui e
(E Haka !)
He uri tapu o Whatuiapiti
He iwi o te waka Takitimu e
Ka puta tātou, e tū atu nei aue, aue
Ko Ngāti Pōporo, (Pōporo)
Ko Ngāti Pōporo, (Pōporo)
Ānei mātou e mihi atu nei e
Ānei mātou e mihi atu nei e
Hui e, haumi e, taiki e .....hi